العاب 

EGYCON 6 قادم في 8 فبراير 2019 – تعرف على اول و اقدم حدث للـGeeks في مصر

Egycon 6 جاي السنة دي في شهر فبراير كعادته زي كل عام و طبعاً الايفينت معروف بقوته و انه لازم الناس تحضره و في المقالة دي هنقلكم ليه هو مهم كده و ليه لازم نحضره.

و دي السنة السادسة الي يقام فيها الحدث دا. و الي بيحضر فيه من مصر و خارجها عدد كبير من محبي الانمي و الجيمز و الكوسبلاي و الافلام و الخيال العلمي (اختصاراً يطلق عليهم Geeks او جييكس باللغة الأنجلزية). و الايفينت من اقدم و اعرق المعارض في مصر الي تهتم بثقافة الجييكس و بالاخص اليابانية منها و امتدت مع الوقت لتسع كل الاتجهات الي بتجمع ناس كتير احنا طبعاً منهم من الجييكس

Egycon 6 – لا يفوتك حضوره !! تفاصيل الايفينت من الصفحة الرسمية

هذا العام هو العام السادس للإيجيكون و كل عام يفاجئنا الإيجيكون بأحداث و مسابقات جديدة بالإضافة لبعض الفعاليات التي تظل موجودة و يحبها و تعود عليها الـFans
المكان: The GrEEK Campus و هو بميدان التحرير بالقاهرة (الخريطة بالأسفل)
الزمان: الجمعة 8 فبراير 2019
وقت بداية الحدث: 2 مساءا
سعر التذكرة: 135 جنيه

يعني ايه كلمة EGYCON؟

إيجيكون هى كلمة مكونة من مقطعين Egy و هو الاختصار المعروف لكلمة مصر و CON و هو اختصار Convention و معنها معرض و هو مكان بيجتمع فيه الناس الي ليهم نفس الهواية في يوم او اكتر في السنة

EGYcon 3 [Aftermath 2016]

To all our awesome Anime fans, Comics readers, Gamers & Artists and finally our beloved cosplayer ヽ(*゚ω゚)ノThank you for allowing us to speak on your behalf and helping us level up this culture in Egypt ヽ(´▽`)/* Sorry to everyone who couldn't make it to the video.* Song: ONE OK ROCK – The Beginning.* Share this video and help us spread this culture in Egypt. \(^o^)/

Posted by EGYcon on Wednesday, August 17, 2016

مين الي ابتدى الحدث دا؟ مين مؤسس Egycon

صاحب فكرة الايجيكون و مؤسسه هو شخص اسمه اسلام و مشهور بأسم ريشا !! و هو من اقدم الجييكس في مصر و ابتدى الفكرة بتجميع الناس في خروجات كبيرة تضم الناس الي بيقابلهم و جمعهم في جروب للانمى على موقع التواصل الاجتماعي فيسبوك و قام بتطوير الامر عدة مرات حتى وصل الي الحدث الكبير الي بيجيله ناس و ضيوف من عدة بلدان عربية و حتى اجنبية للمشاركة في التحكيم و الجوائز و المسابقات العديدة الي بتكون متواجدة بشكل دائم.

مين اسلام ريشا؟

دائما السؤال ده غامض و غير واضح المعالم و لا تجد ما تقول..
أنا اسلام في اواخر العشرينات مدمن جيمز من صغري. و منذ 12 سنة تعرفت على الانمي الياباني و حبيته جدا و لم يكن له شعبية كبيرة في مصر انذاك و لذلك قررت البحث على كل الانمي فانز مثلي..
و من ساعتها و الانمي اصبح في كل حاجة في حياتي, هوايتي, عملي في تنظيم مهرجان الانمي, زوجتي أوتاكو, اصدقائي كلهم بيشاهدوا انمي, حتى اسم ابني -يزن- مستوحى من ابطال الديجيت
ال.

Share & support this awesome day <3____________________________For the full albums check those out ^_^ToggleBasma…

Posted by EGYcon on Monday, March 5, 2018
صور العام الفائت من Egycon 5 و التي يظهر فيها عرض الكوسبلايرز (Cosplayers) او متردي الملابس التنكرية و التي تتبع الشخصيات المشهورة من انمى و العاب و افلام و غيرها و الرهيب في الموضوع انهم قاموا بصناعة هذه الملابس و الأسلحة القوية بنفسهم

ودا وصف الايجيكون من على لسان مؤسسه اسلام ريشا

لسة في ناس بتسأل إيه هو إيجيكون ويعني إيه كوسبلاي!
إيجيكون ده اكبر مهرجان سنوي لكل الانمي فانز, الاوتاكوز, و أي حد بيحب الانمي من قريب أو من بعيد.
بدأ من 6 سنين بمجموعة شباب الانمي فانز و جيمرز مش عاجبهم إن الثقافة دي في مصر بتتشاف على إنها للاطفال فقط. و إن الانمي و الجيمز فيه منه لجميع الاعمار زيه زي الافلام والمسلسلات الاجنبية و مش عشان أنا بـتفرج على انمي أو بلعب جيمز يبقى أنا طفل 🤬
قررنا نعمل يوم نجمع فيه كل اللي زينا, افينت 100% من اللي فيه عارفين يعني إيه Baka و Arigatou و حتى لو مش عارفين هيعرفوا. يوم تحس إنك في وسط اهلك التانيين ❤️
عروض و مسابقات و أنشطة و كوسبلاي و ستورز و كلها خاصة بينا و احنا اللي فاهمين إيه ده.
تلبس اللي أنت عايزه من أي شخصية انمي أو جيم أو فيلم حتى و تكون شخص تاني لمدة يوم و محدش يقولك إيه اللي أنت عمله في نفسك ده 🦸‍♂️ وهو ده الكوسبلاي.
.
عملنا إيجيكون1 من 6 سنين. اختارنا يوم في اجازة نص السنة بالفعل حضر 1650 شخص مع ان معملناش إعلان واحد و مكنش عندنا صفحة اصلا. بالنسبة لنا إن الافينت الأول ينجح كده كانت اكبر حافز اننا نكمل و نحافظ على اليوم السنوي بتاعنا.
و سنة عن سنة إيجيكون بيكبر و بيتطور و بيتعرف و إن شاء الله مش ناويين نبطل طول ما في لسة حد بيتكسف يقول انه بيتفرج على انمي.
.
شكرا جزيلا لكل اللي حضروا و كل اللي بيدعمونا و فريق التنظيم و هنفضل دائما نحاول نكون أحلى يوم في السنة ❤️

في العاب كمان من تنظيم GAMERS LOUNGE المشهورين بتنظيم البطولات و الevents المختصة بالجيمز و الجيمرز و هذا يعني ايضا العديد من الجوائز والـGiveaways و المتعة !!


نقلاً عن Gamers Lounge:
الجيمرز تجمع ناو.. السنة دي في ❘❙❚ EGYcon 6 ❚❙❘
Gamers Lounge Arena هتكون أقوى من أي وقت مضى, محضرين مسابقات 
Counter Strike Global Offensive
League Of Legends
Medal Of Honor
Rocket League
Street Fighter
Fortnite
Tekken
التسجيل يوم الافينت مجانا و تفاصيل أكتر لاحقا 
😉 
______________
منشن صاحبك الجيمر .. حتى لو نوب!

Egycon 6 Map
خريطة الايجيكون 6 و فيها كل اماكن الفعاليات

شارك هذا الموضوع

اخبار قد تهمك

Leave a Comment

shares